كتب الشاعر/ أسامة جديانه #أنا اللي الصبر غار مني #

أنا اللي الصبر غار مني
وسهاني ودخل قلبي
ذهل لما شاف جرحي
داس على جرحي زاد ألمي
بكي من صبري وحلمي
نزل دمعُه نشف دمعي
رأيته بيبكي مش ذنبي
ليه تبكي ياصبر على جرحي
وجرحي هو سبب فرحي
عشقت وانشغل قلبي
ونار الشوق بتكويني
أقربله يذيد هجري
وفكره الهجر يبكيني
احتار الصبر من صبري
وقرب مني وسألني
وليه ماالهجر ماتبكي
قولت كل يوم يزورني
معايا دايما فى أحلامي
وأصحي صورته أدامي
بيسعدني فى منامي
وصورته بتشفي آلامي
قالي ياريت تعلمني
دا أنا اللي الصبر فاض مني
ياريت عالشوق تكلمني
صبرك عالهجر مجنني
                        (((أسامه جديانه)))