كتب الشاعر / اسماعيل عبد الهادي $عاشق السهر $

( عاشق السهر )
يا ليل وحشني بدرك
والقاعدة علي شط بحرك
اصل انا والبحر صحاب
وتالتنا ياليل نور فجرك
ومعانا  الموج  سهران
يأنيسنا  ويونسنا
ويهل  البدر  علينا
ومعاه تبان ضحكتنا
وياليل اشكي واحكيلك
والبحر معانا  يداري
وياخدنا  ويودينا
ولا  حد بينا  داري
واشكي من طول عذابي
الاقيك ياليل مداوي
       *********
عشاقك ياليل مساكين
بيدارو وجعهم فيك
وقلوبهم كمان سهرانه
وبتشكي آلامها ليك
واللي خله راح وغاب
جي يبكي بين ايديك.
       ********
بس ياليل انا عاشق سهرك
كل عمري ياليل وياك
ابكي فحضنك تحفظ سري
والقا هنايا كله معاك
ذكريات عمري اللي فات
بنور بدرك  كتبناها
وعشناها حكاية حب
علي نجومك نقشناها
ولما البعد طال بينا
ما بين سحابك نسيناها
       ********
ولسه ياليل انا وانت
والبحر معانا أصحاب
ومعانا السهره تحلي

فاتحين للحب الباب
بقلمي/ اسماعيل عبد الهادي