كتبت الشاعرة/ زينب أمين قنديل. #قيود #

قيود قيود قيود
امتي الحق هيعود
كله بيجري حلق حوش
 كل الناس بقت وحوش
وبيقنا بناكل في بعض زي
 السمك والكبير بيدوس علي
 الصغير بحجة أن هو عليه
 مسؤول وبيدوس عليه بايد
 من حديد ويكسر احلي ما فية
 عشان يرضي غروره ويقول
 لازم تقبل مني عشان انا عملت
 اللي عليا معاك ونسي أن
 هو بدون احساس علي اخلص
 الناس بيدوس
 علي اقرب الناس عشان الفلوس
يخربيت الفلوس اللي
 خليتنا بندوس
 علي اغلي ما لينا ضيعت
 كل حاجه حلوة فينا
 وحبنا لبعضنا وبقت
 الناس بلا شعور والقلب
 اللي كان زي الماس
 بقي بينكسر زي الزجاج
 من اعز الناس
بس انا عندي يقين
 في الله وثقة
ان هيجي يوم واشد كرسي
 واقعد اتفرج علي كل واحد
 وجعني او وجع حد ليا واذاه
وهو بيتوجع وبيتاذي
من ناس تانيه
اصل المسرحيه ادوار
وكل واحد ليا يوم
ويجي الدور علية
وعشان ربنا موجود فوق
 سبع سماوات وفوق كل
 الحدود لازم الحق هيعود
بقلم الشاعرة زينب امين قنديل