كتب الشاعر / حسن سعيد $لو عرفته علق بصورته $

#لوعرفته_علق_بصورته

على أيه نخبط كف بكف
عيل ومن يومه صايع
و بعقول ولادنا بيستخف

أول ما بدء  بدء بالألماني
مطوة وسيف وخيانه
من قلة التربيه كان بيعاني

فيلم و مسلسل و بعدهم كمان أغنية
والجيل اللي طالع بيتعلم
من رمز ليهم لكنه أصلا عديم التربية

في الساحل وكانت حفلته زي الساحل شمال
رقص وهلس و تأمين من الحرس للأحضان
إللي حاضن واللي عاكش نرجع نقول عليهم عيال

أصل العيب مش عليهم ولا على صاحب بوكسر الألوان
العيب على إللي سمح و رخص للمهزلة
العيب على إللي كرمه على إنه رمز وبطل في الميدان

عجبي عليكي يا أم الحضاره والتاريخ
عيل يتشهر لما يوسخ أسمك وسمعتك
وناس بخيبتنا تفرح و تضرب شماريخ

أم الشهيد بتبكي مصاريف العيشه لِولاده
و سافل وضيع يترقص ويتمايل
وإيه يرجع لينا القلب الأبيض بعد سواده

روح يا أبو إسم خساره فيك بيه نناديك
مش مسامحينك ولا عليك راضين
ويجعلك نار و ظلام في ميزان والديك.
اللهم فاشهد إني منهم بريئ