كتب الشاعر/ فايز أهل @نفوس حلوة @

بكلم نفسي مستغرب
وأقول يا رب دنيانا بقت وحشة؛ ملاها الهم ملاها الغلب

غريب تلاقي بزمنا
نفوس حلوة .. قلوب صافية وملانة حب

معقولة لسه بزمنا حب بجد
ومش لعبة؛ كتير من الناس بقت صعبة؛ واخدها العجب

حب الخير لكل الناس
حب الأهل؛والجيران؛ حب الناس كل الناس م جوة القلب

حب بجد للمحبوب
تحبه لنفسه مش للمال؛ حتى هذا بزمنا قليل وصعب

ظلمنا الدنيا والأيام؛ تغيرنا
أنا وأنت.. مش إحنا؛ كنا زمان نحب الخير لكل الشعب

قست القلوب؛ وطمعنا
إن كان الخير مش ليه مليش دعوة؛ وأقول ده نصب

بأقول لنفسي يا أمارة حبي
الخير لكل الناس؛ بلاش الكره والاحقاد؛ بلاش العجب

قلوب صافية ومرتاحة بزمن جدي
أقول يا ربي غيرنا؛ ورجعنا لزمن جدي ؛ زمن الحب..

  فايز أهل
                                                    8-8-19