كتب الشاعر/ فايز أهل #بنونا. هنونا. اشقونا #

بنونا ... هنونا..و..أشقونا
بني؛تزوج وبعديها يجيك عيال؛ يقول الناس ألف مبروك..

وناس رايحة وناس جاية
سعيد أنت بولي العهد؛ وكلهم بفرحتك هنوك..

وتفرح بقدوم ذا العيل
تحفه بكل ما تملك؛ محبة وحفاوة؛ كأنه ملك إبن ملوك..

ويوم عن يوم تنظر ليه
تتمنى يصير بيوم راجل؛ كأنه نبتة تراعيها وهو حولك..

ويوم يكبر وعقله يبدأ بالتفكير؛ يسيروا إثنين
الأول يسوى مية راجل ؛يمشي معاك زي ضلك ويراعيك..

يخاف عليك من النسمة
يسمع كلمتك فورا ولا يناقش؛ مهو أنت أبوه وهو إبنك..

وأما الثاني مش هوا
يبص لنفسه بمرايا؛يقول خلاص بقيت راجل يناطح فيك.

تقوله شمال؛ تقوله يمين
يفكر فيها ألف مرة؛ يقول كبرنا خلاص وماني محتاجلك.

وتيجي تقول له ألف مره
هذا الصح وهذا غلط؛ كتير كتير بيستغرب وينظر ليك..

كأنه الأب وأنت ضناه
صار طويل ومتعلم ومعاه فلوس؛معادش اليوم يحتاجلك

يفكر أن الدنيا هي المال؛ وشهادة
ولأنه يحكم ع قرشين صار راجل؛محتاج كتير يسير زيك

تقوله يا أبوية إسمعني
كلامي كله ف مصلحتك؛ هذه الحاجة أفضلك وأنسب لك

يقول أنا أدرى بمصلحتي
إفتكر نفسه بقى راجل؛ ومعدش اليوم بيسمع لك..

سيبه للدنيا ح تربيه؛ وح يتعلم
وبعد متسلم أنت الروح لرب الكون؛ حيبكي كتير لأنه مكانش بيسمع لك..

فايز أهل
10-8-19