انا عندى كلام كتير
انهارده الكلام للزوجات والامهات
في يوم بنتي ماكانتش خلصت أكلها وجابت الطبق لأمها وقالت لها : خدي كمليه مش قادرة أخلصه .. سمعت امها بتقول لها : بس انتِ اللي قلتي عايزاه .. قالت لها : آه كنت فاكره هخلصه بس مقدرتش وعاملة حسابي إنك هتاكلي اللى يفضل ( البواقي يعني) سألتها : طب انتي مادتيش البواقي لبابا ليه ؟ سمعتها بتقول لها : عشان البواقى للأم بس
الصراحة كلامها ضايقني و خبط في موقف كان حصل مع صديقة حكته لى فقالت : راجعة بولادها من النادي وركنت قدام السوبر ماركت وقلت لهم : انزلو هاتولنا أيس كريم .. نزلو ورجعو جايبين ليهم كلهم وبيدونى الفلوس الباقية وسألتهم : فين بتاعي؟ قالت بنتى : هو انتي عايزة انتِ كمان؟ قالتلها : اه انزلي اشتريلي .. وقتها كان الايس كريم ب ١٠ جنيه البنت نزلت ورجعت جايبالى علبة صغيرة مش شبه الأيس كريم بتاعهم فصديقتي سألت بنتها : هو ده بكام؟ البنت قالتلها : بتاعك ب ٣ جنيه صديقتي قال لها : طب ليه ماجبتوليش زيكو؟ قالتلها : معرفش انك عايزة زينا انتِ علي طول بتنقي لنفسك أصغر حاجة .. الموقفين خلوني أقف أفكر
ليه الستات في مجتمعنا بتستخسر في نفسها ؟؟ ليه دايما حاطين نفسهم في المرتبة الرابعه بعد العيال والبيت والزوج ؟؟
المشكلة ان الستات فاكرين ان ده واجبهم ومفروض عليهم وإلا يتقال عليهم أنانيين
الى ستاتنا الحلوين
بطلوا اكل بواقي العيال وعلمهم ان بواقي الأكل بتروح للعصافير والقطط مش لماما
هاتوا يا ستات لنفسكم لبس العيد زيكم زى الولاد
متقوموش تشيلوا كوباية شربو فيها الولاد ورموها واستنوهم هما يشيلوها
وحتشوفى النتيجه سريعه ان الولاد بقوا بيقدروكم ازاى ويدلعوكم ويحترموكم أكتر
بلاش تعيشوا ادوار امينه رزق فى نفسكم .. حد فاكر ضحكة أمينة رزق؟ طب حد شافها مرة مبسوطة ومش شايلة الهم؟
الست اللي مابتحبش نفسها ومتقطعة عشان اللي حواليها اكتر ست عصبية وبتزعق وبتضرب عيالها .. اكتر ست بتقدم موديل سيء لولادها عن تقدير الذات
لكن الست اللي بتحب نفسها وبتدلعها بتعرف تدلع اللي حواليها
لما تعوزى حاجه اشتريها ومتقوليش بس الستاير أولي لازم تتغير
مش باتكلم عن الست اللي بتقضي ساعات ع الفيس بوك وفي الكوافير ورامية العيال للشغالة تربيهم لأن ده مش تقدير ذات ده تخلي عن المسؤلية
كلامي للست اللي لو افتكرت نفسها بهدية تحس بالذنب وتقول : هما أولي
في اسرة عندهم رخامة حاطينها فوق ترابيزة غرفة المعيشه بياكلو عليها ويحطو كوبايات الشاي السخن عليها .. واللي يمدد رجله فوق الرخامة واللي مش لاقي مكان على الكنب يقعد عليها
فضلت سنين الرخامة شايلة لحد اما في يوم اتكسرت وقتها معرفوش يلاقو زيها واشترو بدالها لوح زجاج .. بس من يومها محدش بيحط سخن عليه ولا حد يجروء يقعد عليه ولا حتي يمد رجله وبتتلمع كل يوم عشان آثار الايدين بتبان فيها
من الآخر اختارى سيدتى تبقي من الرخام ولا من الزجاج .. اختيارك تحطي نفسك في آخر القايمة .. اخارى تبقي أغلي وأولي وكمان الاولى على الدوام
ولسه عندى كلام كتير
انهارده الكلام للزوجات والامهات
في يوم بنتي ماكانتش خلصت أكلها وجابت الطبق لأمها وقالت لها : خدي كمليه مش قادرة أخلصه .. سمعت امها بتقول لها : بس انتِ اللي قلتي عايزاه .. قالت لها : آه كنت فاكره هخلصه بس مقدرتش وعاملة حسابي إنك هتاكلي اللى يفضل ( البواقي يعني) سألتها : طب انتي مادتيش البواقي لبابا ليه ؟ سمعتها بتقول لها : عشان البواقى للأم بس
الصراحة كلامها ضايقني و خبط في موقف كان حصل مع صديقة حكته لى فقالت : راجعة بولادها من النادي وركنت قدام السوبر ماركت وقلت لهم : انزلو هاتولنا أيس كريم .. نزلو ورجعو جايبين ليهم كلهم وبيدونى الفلوس الباقية وسألتهم : فين بتاعي؟ قالت بنتى : هو انتي عايزة انتِ كمان؟ قالتلها : اه انزلي اشتريلي .. وقتها كان الايس كريم ب ١٠ جنيه البنت نزلت ورجعت جايبالى علبة صغيرة مش شبه الأيس كريم بتاعهم فصديقتي سألت بنتها : هو ده بكام؟ البنت قالتلها : بتاعك ب ٣ جنيه صديقتي قال لها : طب ليه ماجبتوليش زيكو؟ قالتلها : معرفش انك عايزة زينا انتِ علي طول بتنقي لنفسك أصغر حاجة .. الموقفين خلوني أقف أفكر
ليه الستات في مجتمعنا بتستخسر في نفسها ؟؟ ليه دايما حاطين نفسهم في المرتبة الرابعه بعد العيال والبيت والزوج ؟؟
المشكلة ان الستات فاكرين ان ده واجبهم ومفروض عليهم وإلا يتقال عليهم أنانيين
الى ستاتنا الحلوين
بطلوا اكل بواقي العيال وعلمهم ان بواقي الأكل بتروح للعصافير والقطط مش لماما
هاتوا يا ستات لنفسكم لبس العيد زيكم زى الولاد
متقوموش تشيلوا كوباية شربو فيها الولاد ورموها واستنوهم هما يشيلوها
وحتشوفى النتيجه سريعه ان الولاد بقوا بيقدروكم ازاى ويدلعوكم ويحترموكم أكتر
بلاش تعيشوا ادوار امينه رزق فى نفسكم .. حد فاكر ضحكة أمينة رزق؟ طب حد شافها مرة مبسوطة ومش شايلة الهم؟
الست اللي مابتحبش نفسها ومتقطعة عشان اللي حواليها اكتر ست عصبية وبتزعق وبتضرب عيالها .. اكتر ست بتقدم موديل سيء لولادها عن تقدير الذات
لكن الست اللي بتحب نفسها وبتدلعها بتعرف تدلع اللي حواليها
لما تعوزى حاجه اشتريها ومتقوليش بس الستاير أولي لازم تتغير
مش باتكلم عن الست اللي بتقضي ساعات ع الفيس بوك وفي الكوافير ورامية العيال للشغالة تربيهم لأن ده مش تقدير ذات ده تخلي عن المسؤلية
كلامي للست اللي لو افتكرت نفسها بهدية تحس بالذنب وتقول : هما أولي
في اسرة عندهم رخامة حاطينها فوق ترابيزة غرفة المعيشه بياكلو عليها ويحطو كوبايات الشاي السخن عليها .. واللي يمدد رجله فوق الرخامة واللي مش لاقي مكان على الكنب يقعد عليها
فضلت سنين الرخامة شايلة لحد اما في يوم اتكسرت وقتها معرفوش يلاقو زيها واشترو بدالها لوح زجاج .. بس من يومها محدش بيحط سخن عليه ولا حد يجروء يقعد عليه ولا حتي يمد رجله وبتتلمع كل يوم عشان آثار الايدين بتبان فيها
من الآخر اختارى سيدتى تبقي من الرخام ولا من الزجاج .. اختيارك تحطي نفسك في آخر القايمة .. اخارى تبقي أغلي وأولي وكمان الاولى على الدوام
ولسه عندى كلام كتير
ليست هناك تعليقات:
إرسال تعليق