كتب الشاعر / حماده الراوي #جبال حنين #

جبال حنين

ليكي في قلبي جبال
من الحنين ومن الحنان
حبك دا بعدد الرمال
حب علي مر الزمان
اسمك دا معني الجمال
والقلب فيه كل الامان
في عيونك كل الدلال
في هواهم بنسي المكان
انا في وصفك عامل مجال
عشان حبك عندي كيان
ولا هتعب عمري محال
انا هكتب لك مهما كان
الحزن مش لايق عليكي
والضحكة من غيرك حزينة
دا الحياه هي عينيكي
وفي قلبك اجمل مدينة
يا واخده القلب دا معاكي
وسيباني اعيش فاضي
يا روح الروح يا ملاكي
انا بيكي انا راضي
انا العايش في ذكراكي
وفي حبك وفي الماضي
انا المجذوب فيكي
وبحبك حب مش عادي
ولو قالو دا مش ليكي
وجابو محكمه وقاضي
وحكمو عليا اعاديكي
وكيف اقدر اعاديكي
وانااللي جدوري مزروعه
ونابته جوا اراضيكي
وحتي في كل احلامي
بقول اسمك واناديكي
يا فرحي وسعد ايامي
انا عايش انا بيكي
انا اللي بدعي في صلاتي
واقول ربي يخليكي

حماده الراوي

٢٠١٩/٨/٢٧