قصيدة زجلية.
اللي ماعندو كبدة
اللي ماعندو كبدة
على او لا و وبلادو
يمكن جثة هامدة
كسدة فاسدة
او حجرة جامدة
اللي بلادو مايحب
وديما ليها يسب
مايبني
ليها يخرب
يفسد وينهب
يظن نفسو تعلب
هو ماعندو قلب
يظن المواطنة
تكون بالبطانة
تابع وسخ الدنيا
ووسخو مايتصبن
من برا جمبل
يشعل شعيل
ومن داخل كولو عفن
غادي يبقى وحدو
لا من يساندو
أو يساعدو
مني يتقاضى جهدو.
حنا هما حنا
باقيين في المحنة
شكون قال تقدمنا؟
التقدم يبان علينا
سلوك وعقلية
ماشي لبسة اجنبية
ياك باقي فينا
اللي يزرع لغبينة
يغش وينهب فينا
وحنا نبقللو بعينينا.
باقي السن يضحك للسن
والقلب فيه لخديعة
كولشي بغا حقو من لوزيعة
كولها يقول أنا وحدي صالح
والباقي موضر دالح
وهو يعمل لفضايح .
حتى ليمتى هاد الرقاد
بارك من لعناد
ليد ف.اليد
نبنيو لغد
كول واحد لنفسو يصلح
قبل مايبدا يتبجح
باش لبلاد تعطينا
لازم نزرعوها قمح وفرينة
و ذرة و شعير
ونسقيوها محبة وخير
اللي ماعرف نعلموه كيف يدير
والبلاد للقدام تسير .
عمر بنحيدي .29/7/2019
اللي ماعندو كبدة
اللي ماعندو كبدة
على او لا و وبلادو
يمكن جثة هامدة
كسدة فاسدة
او حجرة جامدة
اللي بلادو مايحب
وديما ليها يسب
مايبني
ليها يخرب
يفسد وينهب
يظن نفسو تعلب
هو ماعندو قلب
يظن المواطنة
تكون بالبطانة
تابع وسخ الدنيا
ووسخو مايتصبن
من برا جمبل
يشعل شعيل
ومن داخل كولو عفن
غادي يبقى وحدو
لا من يساندو
أو يساعدو
مني يتقاضى جهدو.
حنا هما حنا
باقيين في المحنة
شكون قال تقدمنا؟
التقدم يبان علينا
سلوك وعقلية
ماشي لبسة اجنبية
ياك باقي فينا
اللي يزرع لغبينة
يغش وينهب فينا
وحنا نبقللو بعينينا.
باقي السن يضحك للسن
والقلب فيه لخديعة
كولشي بغا حقو من لوزيعة
كولها يقول أنا وحدي صالح
والباقي موضر دالح
وهو يعمل لفضايح .
حتى ليمتى هاد الرقاد
بارك من لعناد
ليد ف.اليد
نبنيو لغد
كول واحد لنفسو يصلح
قبل مايبدا يتبجح
باش لبلاد تعطينا
لازم نزرعوها قمح وفرينة
و ذرة و شعير
ونسقيوها محبة وخير
اللي ماعرف نعلموه كيف يدير
والبلاد للقدام تسير .
عمر بنحيدي .29/7/2019
ليست هناك تعليقات:
إرسال تعليق