كتب الشاعر/ اسامه جديانه #وفاكراني #

وفاكراني
وأنا اللي نسيتك من زمان
لما سقيتيني كاس الهوان
وجروح الصمت مآلماني
ورميتك فى بحر النسيان
كنت زمان محوطاني
تشاوريلي
تلاقييني بين الأحضان
وفى لحظة وأحدة تجافيني
وأشرب مالعذاب ألوان
تعودي تاني تناديني
أعود وأشعر بالأمان
وياما كتير خيرتيني
مابين الهجر والتحنان
وعلى شطك شغلتيني
بلؤلؤ شديد اللمعان
أقول عمرك مابعتيني
فى بستانك عشت الحرمان
حاولت أقتل حنيني
وكأن اللي مابينا ماكان
راجعه تاني تسحريني
كأنك جان
وبعد دا كله فاكراني
هحن تاني للأحضان
عودي وأنسي زماني
أنا بحر بدون شطئان
بتقولي محتاجه لحناني
قلب الأمس غير الآن
ارحلي عني وفوتيني
وقولي ياريت
اللي جري ماكان
                         (((أسامه جديانه)))