كتب الشاعر/ حمادة الراوي $جنية المنام$

جنية المنام

جاتني في المنام صبيه
عروس من بني الشيصبان
أميرة يتبعها حاشيه
جاتني راكبه فوق حصان
تقول الجمع دا  ليا
قلت بسم الله الرحمن
في حاجه مش طبيعيه
قالت يا بني الانسان
جيتك بالقوم محميه
عرفت انهم ملوك الجان
وان البنت جنيه
قالت عشقتك من زمان
يا ضي النور يا عنيا
تعال معايا بالاحسان
وانا اكون ليك جاريه
وليك من الجيوش اعوان
منها الطير و الحيه
انا ريقي صبح عطشان
ادور جنمبي علي ميه
ومطرق يطرق الاسنان
وصوت الرعد حوليا
وسيوفٍ لها لمعان
تغطي الجو فوقيه
وسهامٍ مع السنان
من جنمبي وتحتيه
موقف ياخذ الاذهان
لسابع ارض بطنيه
وقف رمشي عن العينان
وكان العجز رجليه
الي ان سمعت الاذان
وكان الوقت فجريه
ونبض القلب كان اثنان
فوق الميه علي ميه
رحل القوم في غليان
ولهجه غريبه عبريه
ولا ليا شاهد عيان
وحتي الصور منسيه
وملئ الجو بالايمان
و بالرحمة الالهيه

.....                  حماده محمد الراوي

  ٢٠١٩/٧/٢٨