كتب الشاعر/ أحمد كامل الشارود #هتفرج #

"""""هتفرج"""""

هتفرج هتفرج بإذن الإله
ونخرج وننعم بنور الحياه
ياقاعد لوحدك وهمك تقيل
ما تضحك شويه وسين الانين
وحاجبك معقد وشكلك كئيب
ما تطرد شيطانك وحارب هواه
هتفرج هتفرج بإذن الإله
بتلوى فى بوزك وقلب حزين
دا ربك الرازق وهو المعين
دا ربك معانا ودايما حكيم
ودايما شاملنا بعطفه ورضاه
هتفرج هتفرج بإذن الإله
وخلى قلبك دايما راضى بل
ينوبك ولا هينوبك إلا نصيبك
وإل هتاخده هوه نصيبك
وإن مرضيتشى هوه راضيبك
متسعى لحالك فى درب الحياه
تلاقيه تجاهك دا هوه الإله
دا رازق عيالك وهما صغار
ودايما معاهم وهما كبار
وخلى تكالك على رب العباد
دا سامع دعانا وهوه فى علاه
هتفرج هتفرج بإذن الإله
وخلى حياتك عظيمه بالجاه
منوره ذاتك فى حب الإله
لسانك يدينك فحافظ عليه
يصونك عدوك جوه ف عنيه
ويبقى رجانا فى عطف الكريم
ملك العباد وهوه فى علاه
هتفرج هتفرج بإذن الإله
وضعلك فى رزقك علو سماه
وقلبك يزينك يامحلى صفاه
وعقلك يذيدك طهاره ونقاء
وسوى مابينك وبين الامير
وعطفه علينا ماخلى فقير
وفرق ما بين الوزير والغفير
بالتقوى والنظر لوجهه فى علاه
هتفرج هتفرج بإذن الإله
ونجرى ونمرح فى نور الحياه

بقلمى أحمد كامل الشارود