مقتطفات من سجالي
عن الحب
الحب كلمات ومشاعر وحروف
حبة فرح وحبة جرح
حبة سعادة وحبة خوف
الحب شجره مليانة طرح
الحب دا طبعه واعر
مش اي حد يجيب قراره
زي قصيدة كتبها شاعر
بيشكي فيها ظلمه ومراره
الحب فرح يامه ناس
وجاب لناس يامه اكتئاب
الحب اصلاً في الاساس
لا ليه كبير ولا ليه حساب
الحب هو حبي ليك
والهوى نظرت عينيك
وان قلت اني نسيك
صدقني بكدب عليك
الحب يامه عذبني
وفي لياليه مسهرني
وبكل صفاته دوبني
حتي الحيره حيرني
الحب دا زي البحور
زي السماء زي الغيوم
عمره ما تكفيه السطور
ولو طبيت وغلطت يوم
وقلت اجرب الشعور
صدقني هتعد النجوم
حماده الراوي
٢٠١٩/٧/٢٩
ليست هناك تعليقات:
إرسال تعليق