كتب الشاعر/ عادل ياقوت #بعد البعد #

بعد البعد
جانى بعد البعد  .....                                                                 
من رقته كان أجمل مالورد ...
خلانى أعيش لحظات الوجد ...
من نشوتى حسيت ف لقاه بطعم الشهد .
كان أملى نفضل على دا العهد ...
وكلمنى كلام من قلبه ...
لقيت كيانى كله بيندهله ...
واتمنيت لو يفضل وأنا جنبه ...
أهيم ف عنيه واسمع منه همسه ....
من غير عزول ياخدو منى ويبعدنى عنه .
وبعد ماقال كل اللى عنده ....
لقيتنى بقول له عندى كلام ممكن تسمعله .
وفضلت أقول له أحلا كلام  .....
كإنه غنى ولا فى الأحلام .....
وأعيد فى كلامى كمان وكمان ....
ولحظة صمت عشناها .....
والعين ف العين واخدانا ....
عشان نعيد من تانى كلام رقيق جوانا ...
كان الكون كله سكون .....
وأنا عايش ف عنيه وبيه مفتون .....
مش عايزه يرجع ويفوتنى .....
كفاية معاه قلبى وفكرى .....
ليه ياخد منى أحلامى .... ؟
ويفوتنى ف شجونى وأحزانى .....
ياريته يفضل قدامى وأسقيه من إيدى نبع حنانى .

كلمات / عادل ياقوت