`(،الكورة إجوال ) م /عبالحميد سالم
الله يرحم كابتن لطيف هوا اللى قال
مهوش مهم اللعب دى الكورة أجوال
ممكن نبقى ملطشة لأى فرقة شمال
لعيبة بتجرى ف الملعب زى الوحوش
لكن احنا بنلعب بطريقة حلق وحوش
وف لحظة كورة يلطشها محمد صلاح
نزيط ف الشوارع كلنا وبرامج للصباح
ومش مهم يشمت فبنا كوبر ورضا عبعال
والسبب نفس الشعار إن الكورة إجوال
*****
الكورة مش فهلوة ياصابت يا اتنين عور
ولا فرقة النجم الواحد مهما كان مشهور
الكورة علم وخطط ف كل الدنيا مدروسة
شوف أفريقيا اتطورت وبالكورة مهووسة
لكن عشمنا ف بطولة مهما كنا فريق تعبان
واتمشى براحتك يا ننى وادلع يا مروان
مش جايز تاخد الهداف حتى بدون إجوان
مهو كابتن لطيف من خمسين سنة فال
مش مهم خالص الأداء المهم الكورة أجوال
ليست هناك تعليقات:
إرسال تعليق