كتب الشاعر/ عبد الحميد سالم #نزل المطر #

( نزل المطر ) م/ عبد الحميد سالم
نزل المطر  سخات يغسل هموم الكون
رجعنى أحلم تانى  باللعب ويا الصحاب
فجأة لقيتنى نزلت أجرى ولا المجنون
أدور ف الشوارع راحوا فين الاحباب
رد المطر وقاللى مين بيفضل على حاله
أنا بفرح الأطفال لكن انت شعرك شاب
 *******
نزل المطر بالحب عشان نبتة يرويها
تطرح  أمل ومستقبل لحاجة نجنيها
نادى علبا الماضى  وهمس ف وجدانى
انا زبك غريب يا وله  فى دنيا نسيانى
همومى غسلها المطر وهمك وراه تانى
 *******
بتفكرنى ليه يامطر  سيبنى ف حلمى أعيش
وافرد ضهرى اللى انكسر  ف دنيا م بتحميش
مع إنى تحت النظر لكن عاملة مبتشوفنيش
ومسلطة عليا همومها تاكلنى لحم  وريش
لكن الأمل  فيك يامطر تحمينى م التهميش