كتب الشاعر/ نبيل الورداني #غبى#

(  غبى )
دونى عندك واكتبى
حبك انت هو دايما مطلبى
راجعي حسابات وافهمى
لو كان طريقك لولبى
أبقى عارف م البدايه سكتى
لو كنتى ناويه بالمشاعر تلعبى
أو حتى مره فكرى
لو محتمل
ممكن ف مره تهربى
مش بكلمه أو بهمسه
كل مره تعتبى
مش ح اسلم ليكى نفسى
ولا ح ارتدى توب الحمل
أو بالوداعه أقتدى
مش ح انخدع
ولا من دموعك
ح أنفزع
قومى عليه واشهدى
ضعفى أمامك مش حقيقه
حتى ذكاءك كان غبى
     ( نبيل الوردانى)