كتب الشاعر د.سمير خليل $وداعا رمضان $

-------------+++ وداعا رمضان +++ -----------------

ليه يا شهْر الصيام ... فايِت  دِموعِى بمُهْـجِـتِى
تِبتِدِى  العَد  تانى ... لشوقة  العودَه  والفرحَه
عَـزايا  سايبْلِى تَقْـوى... تِونِّس قلبى وسَجْدِتِى
تِنوَّر وحدِة  سِكِّتى ... ف دُنيا  ضَلمِــةِ السَّرْحَه
لحين ما ليلة البارحَه ... تِرَجــَّع  لقَلبِى  ضَــالِّتِى

ليه يا شَهر الصِّـيام ... تِبَعِّد  عَـــنِّى البعِيد  تَـانِى
ما  صَـدَّقت  تقَرَّبُه ... ف لمَّه لامِمْها  حُضـــورَك
جايَّـا بإيدَك هَويَّه ... ياريتَك تِسيبها  ما تْــعانِى
بشهاده من جامْعِتك ... حاضره   على جـــودَك
ولا يِرجَع  بعودك ... صِباها الشِّيبه  من  فَـــانِى

لا أوْحَشَ اللهُ  مِنك ... يا شهْر الصُّـوم بروكِيَّه
وانت قريب يومِى ... إتْــنِـين وخَــمِيس نُوَّابَك
وسِتَّه بيض  منك  ... واخْواتها الليالي بَـدرِيَّه
صوم السَّنه أبْواب ... واشتِهى دَخْلَه من بابَك
نَفحِة عَتَبْ ريَّانك  ... بجَنة  الرِّضوان  إلاهِيَّه

رمضان يا مرْكِب مِسافر ... فى  كَوثَر   جَنِّتَك
فارد شراع سُنِّتَك ... وليلة القَدْر ف  شَنطِتَك
مُنايا تاخُدنى  معاك ... أقَدِّف وزُقْ (بمِدْرِتَك)
أو ع ( الدِّكْ )  أتمَسَّح ... ف  تراب   رياحِينَك
إن فاتِتْنِى تَراوِيحَك ... حـاتمَرَّغ على سُـنِّتَك

د. سمير خليل