كتب الشاعر/ مسعد سليم #يا أجمل ضيف #

يا  أجمل  ضيف
علىٰ قلوبنا
مستعجل  أوي
كدا ليه
منَّك واله ما ..
شبعنا
ووجودك بنسعَد
بيه
أرواحنا معاك
ف سلام
وما بتقبل ما بينَّا
خصام
حقيقي انت بَر
أمان
ومعاك الثَّواب
نلاقيه
علىٰ أد العطش
والصُّوم
بتهذِّب نفوسنا
كتير
وبتصحِّي الضمير
مـ النُّوم
وبالأخلاق بيبقىٰ
أمير
وياخدنا  معاه 
جولات
ويا اجمل آداب
وعادات
وبيبعدنا عن
شهوات
ونعيد من جديد
تفكير
هدِّي حبَّه ليه
بتجري
دا انت بتغيب
بالسَّنه
ياللي بيك الدُّنيا
وردي
والمحبه لبعضنا
ونِّحِس بفقير
مسكين
ونراعي ما بينِّا
يتيم
وشعورنا بيبقىٰ
رحيم
والقلوب متطمنه
لياليك كُلَّها
تفاريح
ونهارك مالُهش
مثيل
بتعدِّي كأنَّك
ريح
وحياتنا بتصبح
غير
بتاخدنا لصلاه
وزكاه
وبتكون لينا بَر
نجاه
وبتطهَّر نفوسنا
الله
وعنَّك مهما قولنا
قليل

   أجمل ضيف علىٰ قلوبنا
مسعد سليم