كتب الشاعر/ أحمد كامل الشارود ¥الليلة الجميلة ¥

** الليله الجميله**

كل الحبايب حواليا
والليله دى اجمل لياليا
جاين يباركو ويهنو
أعز وأغلى الحبايب
الحب جمع قلوبنا
بعد سهرنا الليالى
ما خلاص أسسنا بيتنا
وكل إل أحبه جالى
خليك بعيد وسيبنا
ياعزول يابو قلب خالى
والليله دى أجمل ليا ليا
القلب إرتاح ياليل
وغنى أجمل مواويل
قال فيه كلام جميل
يشفى القلب العليل
والعزول بات ليله حزين
وانا سعيد ومتهنى بحياتى
والحب من كتره بيهاتى
ياترى قلبى يتحمل آهاتى؟
وكانت الليله دى أجمل لياليا
عمرى ما أنسى دى ليلة عمرى
لما إتلميت على شمسى وقمرى
والعمر الطويل لحبية قلبى
إل هتسعد أيامى وسنين عمرى
والقلب سعيد ومتهنى
يارب من السعاده ما تحرمنى

بقلمى أحمد كامل الشارود