ليــــــــــــــــــــه يا أمه الاسلام
ليه اتقسمنا لألف حزب وألف مله
ليه أبتلينا بكل داء وبكل عله
أختلفنا حتى فى طلوع الأهله
افترقنا وكل منا فى اتجاه
كل منا أصبح له كعبه وله اله
اللى راكع فى الكرملين
واللى بيسجد فى واشنطن
واللى مسعاه من باريس
واللى بيتوسل بلندن
واللى عايش بينا لاهى
والى بين اصنأمنا تاه
كله تاه----كله تاه
-------------------------------
كأن ناقصين جرح تانى
كأن أحزانا أغانى
نشيد الصرح فى سنين
نهدمه تانى فى ثوانى
ضاعت بايدنا ألف دار
وارتدينا كل عار
يوم فى ملهى ويوم فى بار
ويوم بتسلبنا الغوانى
----------------------------
ياأمه يامتفتته فى كل اتجاه
ياجثه يامتحنطه فى توب الحياه
قطيع وكلب يجمعه أو صوت عصاه
من بره لابسه هدمتك
ومستعاره كلمتك---وبلقمتك
سلمتى غيرك دفتك
فرطى يامه فى عفتك
ومحيتى أصل هويتك
فين همتك--فين عزتك
طالت يا أمه غفلتك
لحد ما بقينا عر اه
-----------------------------
بالأمس كنتى نور ونار
الأمـــر بايدك والقرار
كنتى الكبيره والمنـــار
صبحتى دميـه فى ايد حواه
-------
من نبع خيرك سمنتى غيــــرك
ناسيه اللى فــــات
ودورتى تانـــــــــى على الصوانى
تاكلى الفتـــــــــــــــات
بتلمى باقى ايه اللى باقى
يا أمه دايما عاشقه البواقى
االفرن طافى والغيط شراقى
والصبح ليل وابنك مقيل
على ضهره نايم واقفه السواقى
وان مره فاق --م النوم وراق
يطعن أخوه ويقول فدائئ
--------------------------
يا غريبه عن زمانك
يابعيده عن مكانك
يللى حيرنى جنانك
شوفى مين كان دربه بعدك
عدى قابلك خد مكانـــــــــــك
لولا لهوك وابتزالـــــــــــــــك
لولا خوفك وانهزامـــــــــــــك
واستكانتك لمتهانـــــــــــــــــك
ماستجرتى بسيف عدوك من وليدك
ما ارتوى ظمأ الأفاععى من وريدك
ما رأيتى بأم عينك
عبد صبحك -------أمسى سيدك
----------------
ليه خرجتى عن مدارك
وابتعدتى عن مسارك
ارتديتى الذل بيدك
وانكسيتى بخزى عارك
لو بايدك مابايدك
او قرارك من ضميرك
ما خرج عالطوع وليدك
ما اختلفتى فى أص ضفرك
وأتفقتى فى قطع ايدك
خلاص يا أمه
غابو الاامه
ولا عدش منهم
غيرتوب وعمه
النخل نام
والقرع قام
والعقل صام
والصمت حكمه
معدش لينا
شئ من اللي لينا
كله بأيدينا
ضاع من ايدينا
منلومش غيرنا
ونبكي خيرنا
السوس ناخرنا
والعيبه فينا
ضيعنا حالنا
من عجز حالنا
وأصبح حلا لنا
اليوم محالنا
الطيش وحلنا
والخوف سحلنا
والغير نحلنا
ولا دار تسعنا
من عهد مينا
صدقونى
أمه غايبه عن زمانها
أمه تاهت عن مكانها
أمه متفتت كيانها
أمه نستجدى أمانها
أمه مابتملك طعامها
أمه مسلوبه قرارها
أمه بتحضر كفنها
أمه قبرها فى انتظا ر
أحمد محمود عوض سعيد
مقتطفات من قصيده
ليه اتقسمنا لألف حزب وألف مله
ليه أبتلينا بكل داء وبكل عله
أختلفنا حتى فى طلوع الأهله
افترقنا وكل منا فى اتجاه
كل منا أصبح له كعبه وله اله
اللى راكع فى الكرملين
واللى بيسجد فى واشنطن
واللى مسعاه من باريس
واللى بيتوسل بلندن
واللى عايش بينا لاهى
والى بين اصنأمنا تاه
كله تاه----كله تاه
-------------------------------
كأن ناقصين جرح تانى
كأن أحزانا أغانى
نشيد الصرح فى سنين
نهدمه تانى فى ثوانى
ضاعت بايدنا ألف دار
وارتدينا كل عار
يوم فى ملهى ويوم فى بار
ويوم بتسلبنا الغوانى
----------------------------
ياأمه يامتفتته فى كل اتجاه
ياجثه يامتحنطه فى توب الحياه
قطيع وكلب يجمعه أو صوت عصاه
من بره لابسه هدمتك
ومستعاره كلمتك---وبلقمتك
سلمتى غيرك دفتك
فرطى يامه فى عفتك
ومحيتى أصل هويتك
فين همتك--فين عزتك
طالت يا أمه غفلتك
لحد ما بقينا عر اه
-----------------------------
بالأمس كنتى نور ونار
الأمـــر بايدك والقرار
كنتى الكبيره والمنـــار
صبحتى دميـه فى ايد حواه
-------
من نبع خيرك سمنتى غيــــرك
ناسيه اللى فــــات
ودورتى تانـــــــــى على الصوانى
تاكلى الفتـــــــــــــــات
بتلمى باقى ايه اللى باقى
يا أمه دايما عاشقه البواقى
االفرن طافى والغيط شراقى
والصبح ليل وابنك مقيل
على ضهره نايم واقفه السواقى
وان مره فاق --م النوم وراق
يطعن أخوه ويقول فدائئ
--------------------------
يا غريبه عن زمانك
يابعيده عن مكانك
يللى حيرنى جنانك
شوفى مين كان دربه بعدك
عدى قابلك خد مكانـــــــــــك
لولا لهوك وابتزالـــــــــــــــك
لولا خوفك وانهزامـــــــــــــك
واستكانتك لمتهانـــــــــــــــــك
ماستجرتى بسيف عدوك من وليدك
ما ارتوى ظمأ الأفاععى من وريدك
ما رأيتى بأم عينك
عبد صبحك -------أمسى سيدك
----------------
ليه خرجتى عن مدارك
وابتعدتى عن مسارك
ارتديتى الذل بيدك
وانكسيتى بخزى عارك
لو بايدك مابايدك
او قرارك من ضميرك
ما خرج عالطوع وليدك
ما اختلفتى فى أص ضفرك
وأتفقتى فى قطع ايدك
خلاص يا أمه
غابو الاامه
ولا عدش منهم
غيرتوب وعمه
النخل نام
والقرع قام
والعقل صام
والصمت حكمه
معدش لينا
شئ من اللي لينا
كله بأيدينا
ضاع من ايدينا
منلومش غيرنا
ونبكي خيرنا
السوس ناخرنا
والعيبه فينا
ضيعنا حالنا
من عجز حالنا
وأصبح حلا لنا
اليوم محالنا
الطيش وحلنا
والخوف سحلنا
والغير نحلنا
ولا دار تسعنا
من عهد مينا
صدقونى
أمه غايبه عن زمانها
أمه تاهت عن مكانها
أمه متفتت كيانها
أمه نستجدى أمانها
أمه مابتملك طعامها
أمه مسلوبه قرارها
أمه بتحضر كفنها
أمه قبرها فى انتظا ر
أحمد محمود عوض سعيد
مقتطفات من قصيده
ليست هناك تعليقات:
إرسال تعليق