كتب الشاعر/ أسامه جديانه #داريت عنك هوايا #

داريت عنك هوايا
حطمت قلبي بإيدي
ياللي مازلت منايا
وبتسري فى وريدي
ذودت بإيدي أسايا
خوفت عني تبعدي
رسمتك فى سمايا
وسميتك قمري
تنوري دنيايا
ومعايا تسهري
تتكلمي معايا
أشكيلك وتسمعي
عن حب مالو نهايا
يمكن تحسي وتفهمي
وتغيري تعاملك معايا
دايما تقولي أخي
صرحت عيوني كفايا
مفهمتيش مقصدي
كان حبك ليا غايا
حسبتك بتعندي
ناديتك ما سمعتي ندايا
ولغيري صرحتي
تحكيلي عن حبك لغيري وأنا
بعطيكي نصيحتي
ضحيت بهنايا
وظلمت قلبي
وداريت عنك هوايا
حطمت قلبي بإيدي
                         (((أسامه جديانه)))