كتبت الشاعرة/ انتصار سلامة #كلها ايام #

خلاص هانت كلها أيام
  ونتهنى  بحلول  رمضان
نصوم نهاره دا فرض
 علينا وهدية من الرحمن
 نصبر شوية وناخد الأجر

 دا الصايم هو الكسبان
وكمان للسنا أكيد هنصون
ونسيب الخلق للديان
هناخد أيه من قالوا وقلنا
غير ذنوب وزنهاا أطنان
وهنحفظ جوارحنا كمان
عن أذية أى إنسان أو حيوان
وإلا ملوش لازمة تجوع
 ووفر على نفسك تكون عطشان
لأن الصيام   مش بس الجوع
دا صوم للجوارح كلها كمان
وللفقير حقه هنعطيه
دا الزكاة ركن من الأركان
ولو عاوز البركه فى الدار 
فى صلة الرحم  الخير بيبان
ومننساش نحيى لياليه
بذكر الله  وقراءة القرآن
  ونصلى على نبى الرحمه
اللهم صل على النبى العدنان
#انتصار