كتب الشاعر/ محمد البريمي #أميرة ودلوعة #

أميره و دلوعه..
 مالكوا ومال أميره .. بتحسدو

ها على إيه ..

عشان ماهى دلوعه .. وبتعرف تقول آه و أوا و مرسيه ..

أميره بنت أبوها .. من يومها و هيا كده ..

لبسها شياكه و ذوق .. و آخر بغدده ..

            مالكوا ومال أميره ..

أميره حمامه طايره .. بتطير زى الحمام ..

كل البلاد و طنها .. و بتعشق الغرام .

أميره منين ما تروح .. و فى أى مكان ..

الطير و السما حبوها .. و القمر كمان ..

            مالكوا و مال أميره ..

قلبها مليان بالوجع .. لكن ما بتشتكيش ..

و إن قالت ف يوم آه .. العيون ما تبكيش ..

بتدارى ف دمعتها .. و تفرح قلوب ..

و ضحكتها تملا شفايف .. تخلى العشاق تدوب ..

            مالكوا و مال أميره ..

أميره تتوه ف عنيها .. سبحان الخلاق ..

و رموشها شط بحر .. مرسى للعشاق ..

القمر لو شافها .. ينزل  و يبوس الأيادى ..

و النجوم تتدارى منها .. حتى الغزلان ف البوادى ..

            مالكوا ومال أميره ..

بقلم الشاعر
محمد البريمى  ..