كتب الشاعر/ محمد البريمي ¥ليلة القدر ¥

قصيده بعنوان ..

 ( ليلة القدر )
ليلة القدر من أجمل .. ليالى العمر ..

فيها كل المنى .. للموعدين بتمر ..

اللى حظه سعيد .. تنكتبله النجاه ..

و اللى يحبه الإله .. مستجاب الدعاه ..

              ليلة القدر ..

ليلة القدر .. بتجمع الأحبه على طاوله الدعوات ..

و نسبح ونكبر .. و نزود ف الصلوات ..

و نرمى حمولنا ع الوهاب .. و نرفع إيدينا للسما ..

و ندعى و نقول يارب .. من علينا بالرضا ..

              ليلة القدر ..

باب الرجا  مفتوح .. للعاصى قبل التايب ..

و الأمل ف الله موجود .. هوه الطبيب و الصاحب ..

يشفى قلوبنا .. و يعافيها م الجروح ..

و يغفر ذنوبنا .. و يطهر الجسد و الروح ..

             ليلة القدر ..

ليلة القدر ليله بألف شهر .. فيها الهنا كله و الرحمات  ..

و ملايكة الرحمان حوالين العرش .. بتستقبل الدعوات ..

للى عنده مظلمه .. واللى عنده أمنيه ..

يقوم و يدعى و يتوكل ع الله .. و الإجابه بإذنه  فوريه ..

             ليلة القدر ..

بقلم الشاعر ..
محمد البريمى .. ..