كتب الشاعر/ عبد المنعم عدلي #قول يابحر #

قول يابحر
عبدالمنعم عدلى..مصر
قول يابحر مين
أساك عليا
ترفع موجك
وأنا هنا مستنى
حبيب القلب
غاب عنى
ودقات قلبى
بيدق حبه حبه
هنا جلسنا
والموج كان
بيتفرج علينا
والصحبجيه قاعدين
لسه فاكر
كم ساعة عدت
وأنا وحدى مستنى
ليه يابحر
حبيبى بعيد عنى
وكتبنا أحرف الحب
على طميك
ومشينا على رملك
كنت فاكر يابحر
إنك هتروح له
وتفكرو بيا
أتاريك يابحر
قاسى عليا
وأنا اللى
صاين عهدك
وبخاف عليك
من موجة قوية
تخدك منى
وتمشى بعيد
وأنا مستنى الحبيب
بقلمى عبدالمنعم عدلى