انا عندى كلام
اتمنى ان تعلموا بناتكم ثقافة التعبير عن المشاعر .. علموهم ان التعبير في حد ذاته مش عيب .. علموهم ان اي حاجة بتتعمل في النور مستحيل تبقى مش صح .. علموهم لما يفرحوا يضحكوا بصوت عالى وبأدب .. علموا البنت لما تحب تبقى قوية وتبقى حرة ورافعة راسها .. الحب اما بيكون فى العلن مستحيل يبقى جريمه .. علموهم ان الحلال بيّن والحرام بيّن وده اهم من ضياع مجهودكم في القهر والكبت .. علموهم لما يزعلوا يعبروا عن زعلهم بألفاظ واضحة .. بلاش تكتموهم بالممنوع المغلوط
حيحصل ايه يعني ؟؟
انا اقولكم : حيحصل ايه لما تطلع البنت معندهاش ثقافة التعبير عن المشاعر ومعندهاش ثقافة التعبير عن الغضب .. ازاي عاوز بنتك تعيش عمرها كله بتتربى على ان التعبير عن المشاعر غلط وممنوع .. وفاجاة في يوم وليلة عاوزها تتجوز رجل غريب عنها و تطلب منها تعاشره كزوجة بلا خجل .. المشكلة مش في الخجل لأنه حيروح مع الايام والعشرة .. المصيبة انها تجهل ثقافة التعبير من الاساس .. الزواج بالنسبة لها ادارة المطبخ والمواعيد ونظافة بيت وترتيبه .. إنما المودة والحنية والسكن بمعناه متعرفوش .. الموده حين تغلبها الدنيا الجافة متعلمتهاش .. ان تكون امرأة كما نشتهيها مفيش .. وتنفجر المشكلة فى بيوت كتير .. الرجل اللي مش لاقي مراته في حجرة النوم .. حاقول جملة غريبة بس مضطرة اقولها : الناس بتفضل تربي بناتها علشان يطلعوا محترمات بزيادة لدرجة ان الرجل الوحيد الذي تحل له بتبقى مش عارفة تتدلل معاه وتملأ عينه وتكون معاه انثى .. و يا ريت المصيبة تقف هنا وبس
البنت اللي بتجهل ثقافة التعبير عن غضبها بتلجأ للصراخ .. معندهاش منطق ومعندهاش حجج .. معندهاش وسيلة تعبر بيها فبتحس بكبت وظلم فبتصرخ .. الثقافة الاسهل لها ثقافة الصوت العالي والخناق ودي حجة البليد طبعا .. علموا بناتكم يعبروا عن غضبهم بألفاظ واضحة حاسمة هادئة .. بصوت هادئ ولكنه صوت غاضب .. لما بنتك تناقشك ماتصرخش فيها وتقولها انتِ بتردي عليّ ؟؟ صدقني كده غلط .. بنتك مش هتتجوز راجل حيحبها قد حبك .. يبقى لازم تعلمها تناقش وتفكر بمبدأ الشجاعة الادبية .. علمها كمان لو اقتنعت تسكت ما تقاوحش .. انت لما تعلمها تعبر حتضمن ان بنتك حتعيش عمرها انسانة قوية وحرة
علموا بناتكم ان التعبير عن المشاعر يجعلها منها انسانة اولا ويميزها عن غيرها .. ان فرحت علموها تقول وتغرد وان تبتسم و تنثر في الدنيا الضحكات .. وان حزنت علموها تتألم وتترك دموعها تغسل ما فاتها من امنيات .. علموها تثور بأدب لما تغضب إذا شعرت بظلم .. علموها تكون حرة وقوية .. والاهم علموها تكون أنثى في اي وقت من الأوقات
ولسه عندى كلام
اتمنى ان تعلموا بناتكم ثقافة التعبير عن المشاعر .. علموهم ان التعبير في حد ذاته مش عيب .. علموهم ان اي حاجة بتتعمل في النور مستحيل تبقى مش صح .. علموهم لما يفرحوا يضحكوا بصوت عالى وبأدب .. علموا البنت لما تحب تبقى قوية وتبقى حرة ورافعة راسها .. الحب اما بيكون فى العلن مستحيل يبقى جريمه .. علموهم ان الحلال بيّن والحرام بيّن وده اهم من ضياع مجهودكم في القهر والكبت .. علموهم لما يزعلوا يعبروا عن زعلهم بألفاظ واضحة .. بلاش تكتموهم بالممنوع المغلوط
حيحصل ايه يعني ؟؟
انا اقولكم : حيحصل ايه لما تطلع البنت معندهاش ثقافة التعبير عن المشاعر ومعندهاش ثقافة التعبير عن الغضب .. ازاي عاوز بنتك تعيش عمرها كله بتتربى على ان التعبير عن المشاعر غلط وممنوع .. وفاجاة في يوم وليلة عاوزها تتجوز رجل غريب عنها و تطلب منها تعاشره كزوجة بلا خجل .. المشكلة مش في الخجل لأنه حيروح مع الايام والعشرة .. المصيبة انها تجهل ثقافة التعبير من الاساس .. الزواج بالنسبة لها ادارة المطبخ والمواعيد ونظافة بيت وترتيبه .. إنما المودة والحنية والسكن بمعناه متعرفوش .. الموده حين تغلبها الدنيا الجافة متعلمتهاش .. ان تكون امرأة كما نشتهيها مفيش .. وتنفجر المشكلة فى بيوت كتير .. الرجل اللي مش لاقي مراته في حجرة النوم .. حاقول جملة غريبة بس مضطرة اقولها : الناس بتفضل تربي بناتها علشان يطلعوا محترمات بزيادة لدرجة ان الرجل الوحيد الذي تحل له بتبقى مش عارفة تتدلل معاه وتملأ عينه وتكون معاه انثى .. و يا ريت المصيبة تقف هنا وبس
البنت اللي بتجهل ثقافة التعبير عن غضبها بتلجأ للصراخ .. معندهاش منطق ومعندهاش حجج .. معندهاش وسيلة تعبر بيها فبتحس بكبت وظلم فبتصرخ .. الثقافة الاسهل لها ثقافة الصوت العالي والخناق ودي حجة البليد طبعا .. علموا بناتكم يعبروا عن غضبهم بألفاظ واضحة حاسمة هادئة .. بصوت هادئ ولكنه صوت غاضب .. لما بنتك تناقشك ماتصرخش فيها وتقولها انتِ بتردي عليّ ؟؟ صدقني كده غلط .. بنتك مش هتتجوز راجل حيحبها قد حبك .. يبقى لازم تعلمها تناقش وتفكر بمبدأ الشجاعة الادبية .. علمها كمان لو اقتنعت تسكت ما تقاوحش .. انت لما تعلمها تعبر حتضمن ان بنتك حتعيش عمرها انسانة قوية وحرة
علموا بناتكم ان التعبير عن المشاعر يجعلها منها انسانة اولا ويميزها عن غيرها .. ان فرحت علموها تقول وتغرد وان تبتسم و تنثر في الدنيا الضحكات .. وان حزنت علموها تتألم وتترك دموعها تغسل ما فاتها من امنيات .. علموها تثور بأدب لما تغضب إذا شعرت بظلم .. علموها تكون حرة وقوية .. والاهم علموها تكون أنثى في اي وقت من الأوقات
ولسه عندى كلام
ليست هناك تعليقات:
إرسال تعليق