كتب الشاعر/ منتصر عبد رب النبي #سحروني #

* * * سحروني * * *
سحروني عنيكِ السود
ف عنيكِ شوفت كتير
شوفت الجمال كله
جمالك مالوش مثيل
ملكه كلك دلال
من يوم ما شوفت عنيكِ
أنا حالي أصبح حال
كل اللي شوفته فيكِ
بيقول ملكة جمال
إنتِ حلال فيكِ
كل الكلام يتقال
البسمه من شفايفك
يدق ليها الطبل
ويضرب المزمار
ويتحكي الموال
وخدودك الحلوه
عايزين كام غنوه
من كتر حلاوتهم
إحترت أنا فيهم
لا ورد يشبهلهم
ولا فل ولا ياسمين
الناس تحني إيديها
علشان تحليها
والحنه ف إيديكِ

زادت حلاوه وجمال
* * * بقلمي
                منتصر عبد رب النبي العت * * *