كتب الشاعر/ محمد البريمي...&عيشي حياتك &

عيشى حياتك ..
على كيف وبراحتك .. خليكى مع التيار ..

منين ما يوديكِ ..سوق الأحبه كتار ..

اللى العين تيجى عليه .. شعلليه بالنار ..

يجيلك أوام راكع .. بالدلع و الهزار ..

          عيشى حياتك ..

  عيشى حياتك بالطول العرض ..و ماتعمليش حساب لحبيب ..

هى الحياه تساوى إيه .. غير قسمه و نصيب ..

ما تضيعيش الحظ منك .. كفايه عليكِ تعذيب ..

قدامك طريق مفتوح .. للعز و التنصيب ..

          عيشى حياتك ..

خدتِ إيه م الهم .. غير وجع السنين ..

شوفى حظك من جديد ..  هتلاقى اللى ف بحرك هايمين ..

و يتمنوا طله واحده .. من عنيكِ الحلوين ..

بس إنتِ

أشرى .. هتجيلك الملايين ..

          عيشى حياتك ..

بقلم الشاعر .. محمد البريمى ..