كتب الشاعر/ أسامه جديانه..&ودعتك يا سنين &

ودعتك ياسنين الغرام
شوق ولوعه عتاب وملام
سهر الليالى والبال مشغول
طول إنتظارى بشوق وهيام
ياحب عمرى بعادك طال
والنوم جفانى بفكر فيك
والقلب ليك دايما ميال
مش قادر أنسى نظرة عنيك
لما تسوقى ف الدلال
وف لحظه واحده الشوق يناديك
تعود إليا تبغى الوصال
أفتحلك قلبى وأقفل عليك
وأفضل أدادى ياساكن فؤادى
حبى وقلبى وعمرى أهاديك
تنسى وتهجر ويطول بعادك
وغرامنا كله ماأثر فيك
وأقول يابكره فكر حبيبى
وبكره ييجى يقولى نسيك
هو اللى كان بينا غرام
ولا كان لعبه وبتسليك
خلا ص نسيتك من قسوتك
ولا عمرى يوم أفكر فيك
ودعتك ياسنين الغرام
شوق ولوعه عتاب وملام
                          ( أسامه جديانه)