كتب الشاعر/ علي حافظ المصري..&مين قال &

مين قال انك تركتينى
يا ساكنه جوه فى عينى
يا حب بيسرى فى دمى
اصيلة وطيبة امى
فى روحى تسكن انفاسك
يا زراعة بنبضى إحساسك
مكانك  يا امى بوتينى
مش عايز حد يواسينى
دي  امى عايشة جوايا
تقولى ماتخافش يا ضنايا
دا مهما يفرقنا موت
نخاصم ايوه كل سكوت
وروحها تيجى تحكينى
وزى زمان شايفها تدعيلى
اكون بخير وربى يحمينى
عليكِ الف رحمة ونور
بادعيلك يا امى بكل صلاة
فى نعيم الجنة  تتهنى
وبنور طيفك تضمينى
....... 
                                                      على حافظ المصرى