كتب الشاعر/ محمد البريمي... خلي الباب موارب

خلى الباب موارب ..
خلى الباب موارب .. مسيرك تحتاجينى ..

و تشتاقى لحضنى تانى .. و تدوبى ف  حنينى ..

مسير الحى يتلاقى .. و الوجوه تتفابل ..

و أقولك ع اللى ف قلبى .. يا حبيبتى صدقينى ..

           خلى الباب موارب ..

ف قلبى كلام كتير .. و هيام و شوق  كبير ..

بس إفتحيلى قلبك .. وانا أدلك ع الخير ..

أنا روحى هايمه فيكِ .. و دايبه ف الهوي ..

إسمحيلى أقولك مره .. قلبى ما عتدوش تغير ..

           خلى الباب موارب ..

إنتِ الحبيب الغالى .. وانا عايزك ليا طوالى ..

و إسألى عنى الليالى .. هتقولك ع اللى جرالى ..

بعد الغياب  فرقه و عذاب ..و سهر ليل و دموع عتاب ..

لا عارف أصحى ولا أنام .. و إنتِ

مش حاسه بحالى ..

          خلى الباب موارب ..

بقلم الشاعر .. محمد البريمى ..