كتب الشاعر الأسطورة/طارق السيد....&تلك الأيام &

تلك الأيام
ياللي قللكم دايما فاضية
وقلل الغير دايما مليانة
بكرة قللكم تشبع مية
وقلل الغير تصبح عطشانة
أيام بين الناس تتداول
واللي بياخد بكرة يناول
غصبا عنه ومش بإرادته
مهما يعوز أو مهما يحاول
أصل الدنيا على دي وديهيا
يوم لك إنت وتأتي يوم ليا
ومفيش أجمل من كدا عيشة
يوم حنضل على  يوم عسلية
واللي بيرضى ياناس بمنابه
ويدخل أوضته ويقفل بابه
يلقى الخير على بابه زكايب
وسهم شيطان الشر ماصابه
واللي مايرضى بالمقسوم
يصبح عند الله مزموم
وبرضو ماياخد إلا منابه
ومهما أخد تلاقيه محروم
بقلم طارق السيد