كتب الشاعر/ عبد الله ابو النجا..*رسالة أمي *

**رسالة امي **
في يوم عيدك يابنتي اسمعيني
امسحى دموع عنيكى ريحيني
وافرحى ان كنتى عايزه تفرحيني

افرحى واتبسمى في وجوه الحبايب
وانت بيهم وبحنانهم تسعديني

الدموح هتفقد البهجه ف عيونهم
متعيديش اليوم ده فتره من سنيني

افرحى بالورد وبشوقه الحنين
واحضنيهم حسي انك تحضنيني

م انتى منى وهما منك دم ساير
من وريدى ولوريدك لوريد بنيني

عوديهم يفرحوا بضحكة عيونك
احذرى ماتوصلى دمعة انيني

ليه تخلى اليوم دا يبقى الجرح غاير
الحياه رحله قصيره ياضى عيني

رحله زى البرق وبتجرى بسرعه
وف ثوانى العمر يجرى صدقيني

النهايه فى حياتنا كاس وداير
والتراب وارى اللى قبلى بيواريني

لو فيها دايم  كان كمان دام اللى قبلى
وانت برضو هتيجى ساعتك تلحقيني
************
عبدالله ابو النجا