ضميرك سمح لك؟
وقلبك ده طاوعك؟
علي الغربة بينا
وقلبي إللي دابحه
وكترة آسايا
ودمعي إللي شايفه
ضميرك سمح لك؟
بسهري الليالي
بخوفي و يآسي
وقلة أماني
وحيرتي إللي تايهة
ودفنة.. آمالي
ف أرض الترجي
ضميرك سمح لك؟
وليه أنت تبدأ!
وتبني ف حواجز
وسد وموانع
وظرفي وظرفك
وتبعد وتنسي
وتجرح وتقسي
وتملا ف كاسي
بمراري وحزني
ضميرك سمح لك؟
يا قلبي إللي غايب
وضايع و ميت
تعالَ وعود لي
وسيبك وفُت له
دروب الملاوعة
وزيفه و كدبه
وإإقفل بيبانك
وودع لنزفك
ضميرك سمح لك؟
ح أفوتك وماشية
و قلبي إللي حبك
و دايب ما كرهك
داعي لك. مسامحك
((بقلمي/صفاء مصطفى الخواجة ))
ليست هناك تعليقات:
إرسال تعليق