(سلسلة الناس)
إحكي ياروقة
هحكي وأغنيلكم طقطوقة
عن ناس خنقة وناس مخنوقة
وندر عليا ماهحكي وأقول
إلا أما تقولوا إحكي ياروقة
إحكيلنا ياروقة على اللي واجعنا
وخدنا معاك بس ترجعنا
إحكيلنا ياروقة حكاية الناس
واحنا علينا نجيب كراس
وهنكتب اللي هتحكيه
قبل الفاس ماتشق الراس
ناس بتزود لينا همومنا
وناس بتقطعلنا في هدومنا
وناس تانين من دون الناس
تتعكنن قوي لو يوم قمنا
وناس بتخربش لينا وشوشنا
وناس بتزق وناس بتحوشنا
وناس بتطبطب إيدها علينا
وناس غيتها تقصقص ريشنا
وناس بتشوفنا وناس ماتشوفنا
وناس تحدفنا وناس تلقفنا
وناس بتخاف من حتى خيالها
وناس تستقوى علينا لو خفنا
وناس بتهد وناس بتعلي
وناس بتمرر في المتحلي
وناس بتمد أيديها في جيبنا
بكل بجاحة تقول ماتخلي
وناس بتشخبطلنا في الصورة
وناس بتكرمشلنا في القورة
وناس بتنط وناس بتحط
الرجل العارجة على المكسورة
بقلم طارق السيد
( فوازير )
حذروا فزروا حلوا الفزورة
شوفوا هيبان لنا مين في الصورة
بس بشرط تركزوا حبة
عشان الصورة في مراية مكسورة
فيه ناس بتحوم وناس بتزوم
وناس بتقلوظ في المبروم
وناس قلبها أبيض م الفل
وناس تانين مالهومش لزوم
ناس بتدي في ناس شلاليت
وناس أحياء جوة التوابيت
وناس لابسين على أحدث موضة
وناس لابسين قرن الخرتيت
وناس بتفن وناس تتجن
وناس على ناس بتحضر جن
وناس تانين عاملين نايمين
وناس زي الدبور بتزن
ناس يادوب أهي ناس وخلاص
ناس بتبيع أعضاء الناس
قلب وكلوة وفص الفشة
وكبدة ومخ وبنكرياس
وناس بتعدي وناس ماتمر
وناس بتلسوع ناس بتجر
في علم الجر فيه ناس تضطر
وناس بمزاجها ياناس تنجر
بقلم طارق السيد
(جوة الفنطاس)
قرب قرب خش إتفرج
ناس بتفلفص في الفنطاس
الشرقان ويا الغرقان
والعوام ويا الغطاس
ناس زهقانة وناس طهقانة
وناس بقليلها ياناس فرحانة
وناس بقاليلها تبقلل لينا
وإن كترنا تطرشأ فينا
وناس بتعك وناس بتلك
وناس شايلانا وناس بتفك
وناس مشاءة وناس عداءة
وناس عرجانة وناس بتزك
وناس بتهز وخدمة غز
وناس بتوز في ودنك وز
وناس مندوهة وناس مكروهة
وناس تتعز وناس 100 طظ
وناس مؤذية وناس مأذية
وناس شمتانة في أي أذية
وعالم ذرة مايلزمناش
وأحلى تحية لأي غازية
وناس بتبص وناس بتغطي
وناس بتعري على المتغطي
وناس مسحولة وناس مذلولة
وناس بتدهوس ع إللي يوطي
وناس يسعدها نقول الآه
وتقول فانتاستيك أولالا
وناس بترمي فلوس ع الأرض
وناس محتاجة بتقول لله
وناس تستاهل تبقى الناس وناس مش ناس من أصله ياناس
وبعد الفرجة ياخلق بقول
سلامي ختامي من الفنطاس
بقلم طارق السيد
(موال الناس)
إقعدوا عالأرض إفرشوا منديل
طرطأوا ودنكوا ولا ودن الفيل
هغزلكوا موال ع الناي
عن ناس دوغري وناس بتميل
ناس مش لاقية وناس مناشير
ناس فى الساقية وناس في البير
ناس في عرينها كلت مصارينها
وناس في أعشاشها وناس بتطير
وناس سميعة وناس بتقول
وناس لميعة وناس من دول
وناس فطرانة باتيه وساليزون
وناس غطسانة في قدرة فول
وناس هتيفة وناس سقيفة
وناس تتلف في علبة قطيفة
وناس حريفة ياعيني عليهم
متكتفة حتة تكتيفة
وناس نتيفة بتنتف ريش
وناس غلبانة بتاكل عيش
وناس حرامية ومستقوية
وناس بتنادي إلحق ياشاويش
وناس بتشب وناس بتطاطي
وناس تستعصى وناس مطاطي
وناس بلسانها بتدبح ناس
وناس مش سامعة لناس بتهاتي
قوموا ونفضوا بقى منديلكو
ولا تحبوا أجيلكو وأشيلكو
لو كان لسة في عمري بقية
هجيلكم بكرة ياناس وأحكيلكو
بقلم طارق السيد
(شبه الناس)
قربوا مني ياخلق شوية
بس بشرط ماتلزقوا فيا
عشان اللزقة في علم الطب
بتجيب لنا هرش وحساسية
طبعا عارفين إني بهزر
علشان طبعي راجل مهزار
لكن وقت الجد أشتد
وأقول للديب إعقل ياحمار
نرجع مرجوعنا لحكايتنا
ونتسرسب جوة التفاصيل
ونشوف صور الناس في حياتنا
ونقول نبذة وبالتفصيل
هحكيلكم عن ناس مشوية
وناس مقلية وناس محشية
وناس عايمين على وش الفتة
وناس غطسانة جوة الملوخية
وناس مهرية وناس مرمية
وناس محظوظة وناس فقرية
وناس محظورة وناس مأمورة
وناس تانين واقعين في الخية
وناس بتحلي وناس بتحدق
ناس بتهجص ناس بتصدق
ناس كيادة وناس صيادة
وناس بلبانة واقفة بتتشدق
ألف سلامة ياخلق عليكو
بكرة هعدي أنا من نواحيكو
ولو فاضين هحكيلكو حكاية
ناس تشبهكو ومش زييكو
بقلم طارق السيد
(نسل الناس)
هحكي حكاية بني آدمين
ناس مخلوقة زينا من طين
لكن أسفا حيث الواقع
أفعالهم أفعال شياطين
وناس حلوين زي الشربات
متخللة في البرطمانات
وناس ملزوقة في نعل الجزمة
وناس تانية ف بحر الظلمات
وناس ماتقولنا غير الحق
وناس زي التعابين في الشق
وناس تتمنى اليوم مايعدي
وناس بيزقوا ف يومهم زق
وناس تستهون قتل النفس
وناس مأمورة بضبط النفس
وناس بتغني وناس رقاصة
وناس حريفة فن الرفس
وناس راكبين على ضهر الشهوة
بتطلعلنا بالليل على سهوة
وناس يخطفهم زهو الدنيا
وناس زاهدين مايحبوا الزهوة
في ختامي بقول للناس ليه ياناس
ليه بتتجنوا ياناس ع الناس
لا انتو أسياد ولا هما عبيد
دا كل الناس من نسل الناس
بقلم طارق السيد
إحكي ياروقة
هحكي وأغنيلكم طقطوقة
عن ناس خنقة وناس مخنوقة
وندر عليا ماهحكي وأقول
إلا أما تقولوا إحكي ياروقة
إحكيلنا ياروقة على اللي واجعنا
وخدنا معاك بس ترجعنا
إحكيلنا ياروقة حكاية الناس
واحنا علينا نجيب كراس
وهنكتب اللي هتحكيه
قبل الفاس ماتشق الراس
ناس بتزود لينا همومنا
وناس بتقطعلنا في هدومنا
وناس تانين من دون الناس
تتعكنن قوي لو يوم قمنا
وناس بتخربش لينا وشوشنا
وناس بتزق وناس بتحوشنا
وناس بتطبطب إيدها علينا
وناس غيتها تقصقص ريشنا
وناس بتشوفنا وناس ماتشوفنا
وناس تحدفنا وناس تلقفنا
وناس بتخاف من حتى خيالها
وناس تستقوى علينا لو خفنا
وناس بتهد وناس بتعلي
وناس بتمرر في المتحلي
وناس بتمد أيديها في جيبنا
بكل بجاحة تقول ماتخلي
وناس بتشخبطلنا في الصورة
وناس بتكرمشلنا في القورة
وناس بتنط وناس بتحط
الرجل العارجة على المكسورة
بقلم طارق السيد
( فوازير )
حذروا فزروا حلوا الفزورة
شوفوا هيبان لنا مين في الصورة
بس بشرط تركزوا حبة
عشان الصورة في مراية مكسورة
فيه ناس بتحوم وناس بتزوم
وناس بتقلوظ في المبروم
وناس قلبها أبيض م الفل
وناس تانين مالهومش لزوم
ناس بتدي في ناس شلاليت
وناس أحياء جوة التوابيت
وناس لابسين على أحدث موضة
وناس لابسين قرن الخرتيت
وناس بتفن وناس تتجن
وناس على ناس بتحضر جن
وناس تانين عاملين نايمين
وناس زي الدبور بتزن
ناس يادوب أهي ناس وخلاص
ناس بتبيع أعضاء الناس
قلب وكلوة وفص الفشة
وكبدة ومخ وبنكرياس
وناس بتعدي وناس ماتمر
وناس بتلسوع ناس بتجر
في علم الجر فيه ناس تضطر
وناس بمزاجها ياناس تنجر
بقلم طارق السيد
(جوة الفنطاس)
قرب قرب خش إتفرج
ناس بتفلفص في الفنطاس
الشرقان ويا الغرقان
والعوام ويا الغطاس
ناس زهقانة وناس طهقانة
وناس بقليلها ياناس فرحانة
وناس بقاليلها تبقلل لينا
وإن كترنا تطرشأ فينا
وناس بتعك وناس بتلك
وناس شايلانا وناس بتفك
وناس مشاءة وناس عداءة
وناس عرجانة وناس بتزك
وناس بتهز وخدمة غز
وناس بتوز في ودنك وز
وناس مندوهة وناس مكروهة
وناس تتعز وناس 100 طظ
وناس مؤذية وناس مأذية
وناس شمتانة في أي أذية
وعالم ذرة مايلزمناش
وأحلى تحية لأي غازية
وناس بتبص وناس بتغطي
وناس بتعري على المتغطي
وناس مسحولة وناس مذلولة
وناس بتدهوس ع إللي يوطي
وناس يسعدها نقول الآه
وتقول فانتاستيك أولالا
وناس بترمي فلوس ع الأرض
وناس محتاجة بتقول لله
وناس تستاهل تبقى الناس وناس مش ناس من أصله ياناس
وبعد الفرجة ياخلق بقول
سلامي ختامي من الفنطاس
بقلم طارق السيد
(موال الناس)
إقعدوا عالأرض إفرشوا منديل
طرطأوا ودنكوا ولا ودن الفيل
هغزلكوا موال ع الناي
عن ناس دوغري وناس بتميل
ناس مش لاقية وناس مناشير
ناس فى الساقية وناس في البير
ناس في عرينها كلت مصارينها
وناس في أعشاشها وناس بتطير
وناس سميعة وناس بتقول
وناس لميعة وناس من دول
وناس فطرانة باتيه وساليزون
وناس غطسانة في قدرة فول
وناس هتيفة وناس سقيفة
وناس تتلف في علبة قطيفة
وناس حريفة ياعيني عليهم
متكتفة حتة تكتيفة
وناس نتيفة بتنتف ريش
وناس غلبانة بتاكل عيش
وناس حرامية ومستقوية
وناس بتنادي إلحق ياشاويش
وناس بتشب وناس بتطاطي
وناس تستعصى وناس مطاطي
وناس بلسانها بتدبح ناس
وناس مش سامعة لناس بتهاتي
قوموا ونفضوا بقى منديلكو
ولا تحبوا أجيلكو وأشيلكو
لو كان لسة في عمري بقية
هجيلكم بكرة ياناس وأحكيلكو
بقلم طارق السيد
(شبه الناس)
قربوا مني ياخلق شوية
بس بشرط ماتلزقوا فيا
عشان اللزقة في علم الطب
بتجيب لنا هرش وحساسية
طبعا عارفين إني بهزر
علشان طبعي راجل مهزار
لكن وقت الجد أشتد
وأقول للديب إعقل ياحمار
نرجع مرجوعنا لحكايتنا
ونتسرسب جوة التفاصيل
ونشوف صور الناس في حياتنا
ونقول نبذة وبالتفصيل
هحكيلكم عن ناس مشوية
وناس مقلية وناس محشية
وناس عايمين على وش الفتة
وناس غطسانة جوة الملوخية
وناس مهرية وناس مرمية
وناس محظوظة وناس فقرية
وناس محظورة وناس مأمورة
وناس تانين واقعين في الخية
وناس بتحلي وناس بتحدق
ناس بتهجص ناس بتصدق
ناس كيادة وناس صيادة
وناس بلبانة واقفة بتتشدق
ألف سلامة ياخلق عليكو
بكرة هعدي أنا من نواحيكو
ولو فاضين هحكيلكو حكاية
ناس تشبهكو ومش زييكو
بقلم طارق السيد
(نسل الناس)
هحكي حكاية بني آدمين
ناس مخلوقة زينا من طين
لكن أسفا حيث الواقع
أفعالهم أفعال شياطين
وناس حلوين زي الشربات
متخللة في البرطمانات
وناس ملزوقة في نعل الجزمة
وناس تانية ف بحر الظلمات
وناس ماتقولنا غير الحق
وناس زي التعابين في الشق
وناس تتمنى اليوم مايعدي
وناس بيزقوا ف يومهم زق
وناس تستهون قتل النفس
وناس مأمورة بضبط النفس
وناس بتغني وناس رقاصة
وناس حريفة فن الرفس
وناس راكبين على ضهر الشهوة
بتطلعلنا بالليل على سهوة
وناس يخطفهم زهو الدنيا
وناس زاهدين مايحبوا الزهوة
في ختامي بقول للناس ليه ياناس
ليه بتتجنوا ياناس ع الناس
لا انتو أسياد ولا هما عبيد
دا كل الناس من نسل الناس
بقلم طارق السيد
ليست هناك تعليقات:
إرسال تعليق