كتب الشاعر/ السيد سعيد سالم....%وجع الغربة %

وجع الغربة
أمى يا أعزالحبايب .. ماليش غيرك حبيب
الفرح من غيرك غايب .. وعايش وسط الناس غريب
أشكى لمين غيرك يابحر  الحنان
والأيام قاسية عليا وإتفقت مع الزمان
أنتِ الوفا .. وإنتِ الدفا .. والكل حواليا خان
تمر السنين وأقابل ناس كدابين ..
وكتير بكيت بدمع العين
وأرجع لكِ ياأمى تداوى جروحى
بقلبك المليان حنين 
فاكر ياأمى وأنا صغير يانور عنيا
حنانك وخوفك وعطفك عليا
باحبك ياأمى فوق ما تتصورى
وبا

حب دعائك وإنتِ بتصلى وبتكبرى
النهارده فى عيدك يا ست الحبايب بأهديكِ باقى عمرى ..
بس إنتِ تقررى .
بقلمى : السيد سعيد سالم