كتب ملاح الحكمة أ/ مرقص أقلاديوس. &قصة النهار &

قصة النهار
بقلم..مرقص اقلاديوس
.....
١-
نهار لسه نعسان
ما صحيش.
و الليل فى أخره
ناوى رحيل.
و إحنا بنقول لليلة
ما تروحيش.
دى بيقولوا عليها
لحظة الشفق.
...
٢-
الشمس تستقوى
و تعاتب
إللى ما صحيش.
تقول للمخلوق
قوم إصحى
إسعى لرزقك.
ما تنامليش.
....
٣-
شمس الضهر قاسية.
خد بالك من عينيك.
خد بالك من راسك.
خد بالك من النار
اللى جاية عليك.
...
٤-
الشمس تقيل شوية.
تقول للخلق
إن كنتم فاكرينى
غاوية آسية
أنا برضو
عندى شوية حنية.
..
٥-
الشمس على البحر
يحضن قرصها
سطح المايا
زى ما تكون
ناوية تاخد غطس.
مع انها الحقيقة
على سفر
لبلاد تانية.
...
٦-
الليل
يتسحب بحنية
بشويش بشويش.
و ليلة بتتولد
بعد مش عارف
ما كانت فين مستخبية.
دى بيقولوا عليها
لحظة الغسق.
..
ما بين شفق و غسق
تكون حياتنا.

فالشفق ميلادنا
و الغسق رحيلنا.

و العجيب
أننا نترك وراءنا
كل ما جمعنا من مال
و كل ما تعبنا فيه
من أعمال.
كما نترك خلفنا
ولد
ربما يدعو علينا
و
ربما يدعو لنا.

و بنت صبية.
يوما ستعطى ميلادا
لواحد من احفادنا.
قد يكون شفقه هو
فى لحظة غسق لنا.

اما شفق و غسق هناك لنا.
فالأمر يعتمد على
ما نفعله نحن فى الدنيا هنا.
او  ما تفعله الدنيا بنا.
        ملاح بحور الحكمة
         مرقص إقلاديوس