كتب الشاعر/ عبد الحميد سالم..&حفيدي والقطر&

( أنا وحفيدى والقطر) م/عبالحميد سالم
ف عيد ميلاد حفيدى قلت أجابله هدية
قطر بيصفر وسكة حديد عليها يدور
قاللى بلاش يا جدو  لا يكون قطر متهور
وخايف لا يسيب سكته ويولع كمان فيا
قلت بعد الشر يا جميل ده أنا نا اشيلك ف عنيا
ومنه لله اللى خلى حلمك يا حفيدى يدمر
*****
سمع القطر كلامنا وقال والله انا مظلوم
زمان كان على صفارتى بتتظبط ساعات
لكن النهاردة ياناس ليه تيجيبوا عليا اللوم
ده أنا وسكتى ف منظومة بتعانى من أزمات
والفساد معشش ف الهيئة  يا عيب الشوم
وسواقينى من فجرهم بيتعاطوا مخدرات 
 *******
أنا  أى حد  بيقف ف طريقى بافرمه
واللى مش عاجبه هطلعله فوق الرصيف
مهو كلنا  الفساد والاهمال قادر يعدمه
والفرق اللى بينى وبينه إن قلبى حديد
منا مش غبى زيه ولا عامل فيها شريف
والدنيا تحط عليا ماهى بتفرم كل نضيف
********
بلاش منظومة النقل  تبقى زى الصين
عايز اشعر بس إنى قطر بانقل بنى آدمين
مش ماشى لا فيا شبابيك ولا حتى بيبان
والناس محشورة جوايا زى علبة السردين
طورونا يا اسيادنا ده

احنا  اكتر وسيلة أمان
وارحموا الغلابة اللى يدوب عايشة بالضالين