كتب الشاعر الأسطورة/ طارق السيد....&هندي لاوندي&

هندي لاوندي
حيث أني أبدو كأني
هندي لكن
مصري جني
ألف وأدور
زي الدبور
ورا دار مندار
وكارينا كابور
وسلمان خان
أميتاب باتشان
ومفيش نار
من غير دخان
أما انتوا صحيح
ياهنادوة هنادوة
أكلتوا عقولنا ياخلق
في غدوة
أفلام هكس
ﻷ بالعكس
دي أفلام عدت
حد الهكس
إللي شايل تمساح على كتفه
تقولش المدعو  دا بيبي وخاطفه
واللي إصطاد طيارة بحبل
ودب ورزع وزمر وطبل
والحداد بيحب أميرة
وأميرهم حب الغجرية
ولجل الهكس يكون بريفكس
الظابط حب الحرامية
والمصباح وعلاء الدين
وليالي ملاح وحاجات تانين
وسندباد أهو عدى البحر
ودخل الجحر إصطاد تنين
لكن برضو ياناس ماأنكرش
طفرة علم ماتتقدرش
إتشطرتوا وإتطورتوا
أنتوا كبرتوا وغيركو كبرش
بقلم طارق السيد