كتب الشاعر/ أسامه جديانه... &كان ليه جرحي &

كان ليه جرحى
ياللى غدرت بيا
ناسى يوم فرحى
كنت باعطيك عينيا
ياما سقيتك حنيه
وأديتك قلبى هديه
عشت سنين الغرام
لا عتاب ولا ملام
وحياتنا هيام ف هيام
ماشفتش يوم خصام
راحت فين الأمانى
راحت فين الأحلام
راح فين سحر كلامك
كانت كلها أنغام
من يوم م سكنت قبالى
وأنا سهران م با

نام
وف لحظه غدرت بيا
من غير أى صدام
الدمع سكن عينيا
وقلبى صابوا الآلام
فين راحت الحنيه
فين راح حلو الكلام
ياللى غدرت بيا
لا سماح بينا ولا سلام
                            ( أسامه جديانه)