كتب الشاعر/ صلاح منير &مصر أهي جاية &

مصر أهي جاية
بقلم: صلاح منير

مصر أهي جاية
عروسة بطرحة
في نزهة نيلية
بتنشر لينا الفرحة
بأنغام حلوة شجية
وبتصرخ صرخة
في الفضا مدوية
موجهة صوتها
لكل ابن وكل بنية
اصحوا لبكره
بنيان ونهضة صناعية
كل الصحرا
راح تبقى جنة زراعية
مصر الصخرة
عليها انكسرت المؤامرة الدولية
واللي للأرهاب سخرة
ح يتوبوا على ايديك يا بهية
ارهاب أفراده مرتزقة
جيوبه راحت فين هيَ
دمرها الجيش والشرطة
بايدين رجال صاحية عفية
وزعيم مش طمعان في السلطة
زينا طالع م القاعدة الشعبية
بنشاط شغال لجل يكون بكره

أحسن مستقبل لحياة الكتلة الشبابية
أمله يسيب لتاريخه ذكرى
مصر أهي جاية
عروسة بطرحة
في نزهة نيلية
بتنشر لينا الفرحة
بأنغام حلوة شجية

صلاح منير
مصر