كتب الشاعر/ محمد جمال فايد...&برقية من علي رصيف ستة&

...برقية من على رصيف ستة...
إسألوا  كل قطعة لحم
........وقعت على سطح الرصيف
هتقسم لكم بإني عشت
.......مخلص لمصر ومت  شريف
 وعلى قد حالي ومحترم
...........وطول عمري شهم عفيف
أبحث عن الرزق الحلال
.والحمل عمره ماكان علي خفيف
واكره من القلب الحرام ودمي
.......كان منه طول حياتي نظيف
وعمري مااشتكيت من
.........برد شتا أبدا ولا حر صيف
ولا حسيت بربيع عمري
.......ولا دريت لما وصلت  خريف
وعمري ما عرفت الراحة
..........فى حياتي ولا حتى طيف
وقمة سعادتي كانت فى إني
.....أوفر لأولادي ولوحاف الرغيف
وراضي بالمقسوم وفاهم
..........إني مهما طال العمر ضيف
وإن وجودي فى الدنيا
.........رحلة والسعادة بهاتخاطيف
وإني هموت واندفن
...............وربنا على عباده لطيف
أما إن النار تشيل فيه
.....قصة لو تتحكي نقول تخاريف
وإن الجرار لواحده يتحرك
......بدون سواق يبقى بطل حريف
ولحمي يتشوي حي وأنا
.....كل هدفي أرجع للعيال برغيف
 فمكانشي العشم أبدا
..........إني اتحرق عليك يارصيف
مكانشي العشم أبدا
..........إني أتحرق عليك يارصيف
لكن ماشاء الله كان ونسأله
.... لأهلك يامصرالصبر والتخفيف
.......مع خالص العزاء للجميع.......
...........محمد جمال فايد.............
.........جمهورية مصر العربية.......
...كفر شبرا زنجى الباجورمنوفية.