كتب الشاعر/ أحمد كامل الشارود.. %رماني الهوا%

( رمانى الهوا)

انا رمانى الهوا والا
 رمانى جمالك..
أموت صريع الهوي ولا
 بوصف خصالك..
كل الحبايب سوا وانا
 منايا وصالك..

أحلم بليلة هنا ولا
بلمسة ايد..
أدوق معاكِ الهنا 
بوقت كله سعيد..
ويبقى قلبى إرتوي
 من كل حب جديد..

انا أصلي باتمني قلب
يكون لى حنون...
يعشق ويتهنى توب
البهاء ويصون...
تملى فى حبك يحلى
العذاب ويهون...

بخدودك الوردي
ماتقفليش الباب...
وبروحى اهديلك
قلب لسه شباب...
وإن كانو واقفين لك
الفين من الخُطاب...

انا رماني الهوا ولا
 رمتنى رموشك...
أسير هواكِ انا
ولا حد هيحوشك...
لو جيتى فى الميدان
ووقفت بجيوشك...

النظره دى طلقه
جايه من المدفع..
والبسمه دى دانه
جوه القلوب توجع..
والآهه دى نووى
على الكتوف ترفع..

من كتر مابِيا  انا
هشتغل رحال...
وفى مدينه هكتب
عن الاحوال...
وفى زحمه أو زينه
أجيب للحبايب شال..

لو عاد الزمان بِيّا

للحب
أقول لأه..
ولا اشوف الزار ولا
أحضر الدئه..
وكنت أفوت الأه ولا
أعوز زقه..

بس الزمان داير بالدنيا
لف ودار..
وربك القادر على العباد
ستار...
ساتر سكون الليل
وللعباد غفار..

شعر/ أحمد كامل شروق الشارود