كتب الشاعر/محمد عناني..*ذكريات عدت عليه*

ذكريات عَدِت عَلَيَه  ( الصورة من أعمالى باللوان المائيه )
================================
ذكريات عدت عَلَيَه
ياما فيها كان أسيه
م الأهات ودموع عنيه
م اللى كان أقرب مَاَلِيه
فات ف قلبى كتير جراح
ع اللى كان بينا وراح
ساب لأيامى الأنين
بعد ماكان الحنين
واشتياقى طول سنين
فى انتظاره موجودين
لما كان بيغيب شويه
كان غرامى يبان عليه
وابقى تايه هوه إيه بس اللى بيه
كان شريكى وكان طريقى
كان نصيبى وكان حبيبى
كان ف ليلى يبقى قَمَرى
وف حياتى يبقى عمرى
كل همسه كل غنوه
كل لحظه منه حلوه
كل ليل قضيناه بطوله
أو كلام ف غرام نقوله
كل حلم حلمتهوله
لما كنا نبقى واحد
والمحبه بينا شاهد
م السعاده زى طير
ف السما فرحان يطير
وف دقايق أوساعات
اللى عِشنَاه واللى فات
كل شىء إتهد مات
كله أصبح ذكريات
===========
( محمـد عنانى )