كتب الشاعر/أحمد عامر &وابصلها &

........... وابصلــــــــها .............
وابصلها
وألمح ف عيونها الضى
واحس بقلبى لوغابت
أنا ميت ومانش حى
ووقت أشوفها بتجنن
واحس بشوقى زى الكى
معلم شوقها فوق قلبى
وحبى حب ملوش زى
واشوف ف عيونها
لون عشقى
ووقت تبتسم أضحك
واحس البسمه هى الضى
وابصلها
أحس بالسراب تايه
وجوة عيونها اتوة واحتار
واسبح ف جمال لونها
واتارى العشق جمرة نار
ألاقى العشق بجفونها
وأعشق صوتها وجنونها
بوقت الغى
ولو عادوا الزمن تانى
200 مره
أنا عشقى لها هختار
ماهى الدنيا لو اعيشها
وهى الضى
وابصلها
أشوف الحُمره بخدودها
ولمعه عشق بعنيها
وانا اقرب وأحضنها
تدارى الحُمرة بإديها
واحس برعشه من جسمى
وآهه طويله تلهبنى
ونظره خبث بعنيها
وبسمه فوق شفايفها
ولامسه خدى بإديها
وتهمسلى بحبك موت
وناسيه الكل حوليها
والمح ف عيونها الضى
فأتبسم وابصلها
............ احمدعامر ...............
ننوه ان ماينشر حق مسجل بالهيئات المنوطه بذلك 94301/2019 س م ب