كتب الشاعر/ محمد مكاوي *آخر جواب *

اخر جواب

مهما اشرب مَيّه
يا امى
نبع حنانك دا
بيروينى
كتفك ياما خفف
همى
و حياتى ف حلمك
ضمينى
يمكن اخر مره
اشوفك
و كفوفى تشبك
ف كفوفك
رغم الشدّه و كل
ظروفك
صلى لله وافتكرينى
و اوعى تصرّخى يا امّه
و سمّى لو جه لبسى
و عليه دمى
و دا اخر حاجه تشيليها
بعد ماكنتى تشيلى همى
و لو زعلتك يوم
سامحينى دا غيابى
عنك على عينى
و امسحى دمعة
عينك يا امّه
ربنا قادر يمحى
الغُمّه و لمى اخواتى
و اقفلى بابك
زى انا ما اتربيت
ف شبابك دا جوابى
و جى ويّا هدومى
إقرى
ومش هستنى جوابك
.......................................
             محمد مكاوى
عضو رابطة الزجالين و كتاب الاغانى