أنا عندى كلام
إتعلَمنا زمان إن الفقر مش عيب .. عارفين إمتى ؟؟ ايام ما كان الفقير فقير لكن محترم .. وإتعلمنا كمان إن نقص الفلوس ده حاجه عاديه وإن ربنا خلقنا فوق بعض درجات .. وربنا هو إللى قال كده ودى حاجه كلنا عارفينها وعايشينها وقابلينها .. لكن فقر الضمير والأخلاق وفقر السلوك المحترم وفقر العدل وفقر مراعاة ظروف الغير هو ده الفقر الحقيقى والعيب الأكبر .. هو ده الفقر إللى زاد عن حده اليومين دول ..ووصلنا إن فقر الفلوس دلوقت بقى عيب وعيب كبير قوى .. لما الفقير ميعرفش ياكل كويس ولا يسكن فى مكان عدل ولايقدر يتجوز ولايتعالج ولا يتعلم ولاحتى يتفسح ..ولايبقى من حقَه يحلم .. يبقى لازم الفقر يبقى عيب .. الحياه دلوقت بقت صعبه جدا على ناس كتير .. صعبه قوى وناشفه قوى خصوصا الشباب الصغير إللى عايز يبتدى حياته ومش عارف يبتدى منين وإزاى .. ياريت الناس تحس ببعضها وترحم بعضها .. مش بالكلام لكن بالفعل .. وياريت إللى يقدر يعمل حاجه كويسه يعملها .. ياريت نحس بنظرة الضعف والإحتياج والعجز وقلة الحيله وكسرة النفس إللى زادت اليومين دول قوى فى وشوش الناس صغار وكبار .. لو حسيت بالكلام ده فعلا حاتعرف وتتأكد فعلا إن الفقر دلوقت بقى عيب .. لكن تصدَقوا بقى العيب الحقيقى إنَنا نبقى شايفين الفقر والفقراء ونعمل نفسنا مش شايفين ومش عارفين ومش حاسين .. ونمشى عادى من غير مانعمل حاجه أو حتى نحاول نعمل أى حاجه
ولسه عندى كلام
إتعلَمنا زمان إن الفقر مش عيب .. عارفين إمتى ؟؟ ايام ما كان الفقير فقير لكن محترم .. وإتعلمنا كمان إن نقص الفلوس ده حاجه عاديه وإن ربنا خلقنا فوق بعض درجات .. وربنا هو إللى قال كده ودى حاجه كلنا عارفينها وعايشينها وقابلينها .. لكن فقر الضمير والأخلاق وفقر السلوك المحترم وفقر العدل وفقر مراعاة ظروف الغير هو ده الفقر الحقيقى والعيب الأكبر .. هو ده الفقر إللى زاد عن حده اليومين دول ..ووصلنا إن فقر الفلوس دلوقت بقى عيب وعيب كبير قوى .. لما الفقير ميعرفش ياكل كويس ولا يسكن فى مكان عدل ولايقدر يتجوز ولايتعالج ولا يتعلم ولاحتى يتفسح ..ولايبقى من حقَه يحلم .. يبقى لازم الفقر يبقى عيب .. الحياه دلوقت بقت صعبه جدا على ناس كتير .. صعبه قوى وناشفه قوى خصوصا الشباب الصغير إللى عايز يبتدى حياته ومش عارف يبتدى منين وإزاى .. ياريت الناس تحس ببعضها وترحم بعضها .. مش بالكلام لكن بالفعل .. وياريت إللى يقدر يعمل حاجه كويسه يعملها .. ياريت نحس بنظرة الضعف والإحتياج والعجز وقلة الحيله وكسرة النفس إللى زادت اليومين دول قوى فى وشوش الناس صغار وكبار .. لو حسيت بالكلام ده فعلا حاتعرف وتتأكد فعلا إن الفقر دلوقت بقى عيب .. لكن تصدَقوا بقى العيب الحقيقى إنَنا نبقى شايفين الفقر والفقراء ونعمل نفسنا مش شايفين ومش عارفين ومش حاسين .. ونمشى عادى من غير مانعمل حاجه أو حتى نحاول نعمل أى حاجه
ولسه عندى كلام
ليست هناك تعليقات:
إرسال تعليق