كتب ملاح الحكمة أ/مرقص أقلاديوس &الحب والحب &

الحب و الحب
بقلم ..مرقص إقلاديوس
..........
زى ما المطرا
 بتكبر الحب
القلوب
 يكبرها الحب.
اوعاك ياللى الدنيا
 مش ماشية معاك
تنسى فى يوم
إن فيه رب.

هوا اللى
ادا زمان
و هوا اللى
 بيدى النهاردة.
و لأن من طبعه الخير
هوا برضو
اللى هيدى بكرا
بس إنت
عاهده على الحب.

و اعمل الخير
و ارميه على الضفة.
مصير النهر ياخده
و يلف بيه
و يرجعلك
 يوم فى لفة.
أصل الخير
ودود و عشرى
و يتحب.

غريبة أوى الناس
فيه ناس
 طمعانة أوى
و الحظ مديها.
و ناس غلبانة أوى
و الرضا غانيها.
و واحد
الكل يحلفوا
بعد ما يموت
إنه لا شافوه
و لا حسوا بيه
و لا أساسا
 على الارض دب.

عارف ليه
عشان
 ما وزعش خير.
و لا زرعش حب.
أصل لو كان وزع خير
كان الخير شهد ليه.
و لو كان وزع حب
كان الحب
عرف الناس بيه.
ماعرفش
ليه الناس دايما بتنسى
إن اللى كبر الزرع
مش المطرا بس.
ده الارض كمان
هيا اللى
بتحضنه و تغذيه.
و تحرسه
و تحامى عليه.
معقولة
اللى بتدى كل ده حب
ما يعترفوش الناس
 ليها بالحب.

هوا ده حظ الأرض معانا
هيا تحبنا و تدينا.
و احنا عليها ندب.
و فى الآخر
 تاخدنا فى حضنها.
و احنا
من وسط زرعها
نرجع تانى نشب.
     ملاح بحور الحكمة
      مرقص اقلاديوس