كتب الشاعر/محمد البريمي *في عيد ميلادك*

أخت تهنئ  بنت أخوها فى عيد ميلادها .. مجرد فكره من وحى الخيال .. قصيده عامه و ليست خاصه ..

 ف عيد ميلادك  ..
غاليه عليا يا بنت أخويا .. و غلاوتك زايده حبتين ..

الليلادى  عيد ميلادك .. و القمر صبح  قمرين  ..

ف عيد ميلادك .. يا ياسمين ..

النخل طرح .. عنب و تين  ..

جمع قلوب.. كانوا متخاصمين ..

           ف عيد ميلادك ..

السما مطرت أعياد .. و الليله يوم عيدك ..

القمر ظهر و بان .. نور قناديلك ..

و إنت يا ياسمين .. بتسبقى جيلك ..

الأرض مش شايلاكِ .. يا ما شاء الله عليكِ ..

محروسه من يومك ..  و الدنيا حسداكِ

..

          ف عيد ميلادك ..

إفرح يا قلبى و غنى .. الليله أجمل عيد ..

و أنا من قلبى بأهنى .. و أجل المواعيد ..

الليله تم منايا .. و فرحتى بتزيد ..

و كأنى الدنيا معايا .. ملكاها بالإيد ..

و الحبايب حواليا .. و الشموع بتقيد .

         ف عيد ميلادك ..

بقلم .. الشاعر .. محمد البريمى ..